سینیئر صحافی اور سابق چیئرمین پیمرا ابصار عالم پر قاتلانہ حملہ کیا گیا ہے اور گولی ان کے پیٹ میں لگی ہے۔
سینیئر اینکر غریدہ فاروقی نے ایک ٹوئیٹ میں بتایا ہے کہ گولی ان کے گھر کے باہر چلائی گئی جس وقت وہ گھر کے باہر واک کر رہے تھے۔ گولی ان کے پیٹ میں لگی ہے۔
غریدہ نے مزید لکھا کہ ان کی حالت stable بتائی جا رہی ہے لیکن اسپتال میں آپریشن جاری ہے۔
https://twitter.com/GFarooqi/status/1384502453366927362
ابصار عالم کی اسپتال جاتے ہوئے ویڈیو سامنے آ گئی۔ "میں سڑک پر جا رہا تھا کہ کسی نے مجھے گولی مار دی۔ لیکن میں بتا دینا چاہتا ہوں کہ ان حرکتوں سے میں ڈرنے والا نہیں ہوں اور میں حوصلہ نہیں ہارا"۔
واقعے کی مذمت کرتے ہوئے مسلم لیگ ن کی رہنما مریم نواز کا کہنا تھا کہ اختلافی آوازوں کو دبانے کا کینسر اس ملک کو کئی سال سے کھا رہا ہے۔ ابصار عالم اس ظالمانہ جرم کے تازہ ترین نشانہ ہیں۔ خدا تعالیٰ ان کے زخموں اور اس ملک کے زخموں کو مرہم عطا فرما۔
https://twitter.com/MaryamNSharif/status/1384509685282353152
