سینئر تجزیہ کار کامران خان نے کہا ہے کہ خبر ہے کہ ترپ کا پتہ تحریک عدم اعتماد حامیوں کے قدموں تلے زمین ہلا دے گا خان کہیں نہیں جا رہا۔
سماجی رابطوں کی ویب سائٹ ٹویٹر پر جاری اپنے بیان میں ان کا کہنا تھا کہ گذشتہ 10 روز سے آپ کو باور کروا رہا ہوں، ایک بار پھر یاد دہانی کرا دیتا ہوں کہ عمران خان ترپ کے پتے کو بھول نہیں جائیے گا۔
https://twitter.com/AajKamranKhan/status/1510249796325584898?s=20&t=0TFxqWywnulYmfCD4JDRwQ
ان کا کہنا تھا کہ عمران خان مداحوں کے لئے جن کی تعداد ہر گزرتے لمحے بڑھ رہی خبر ہے کہ ترپ کا پتہ تحریک عدم اعتماد حامیوں کے قدموں تلے زمین ہلا دے گا، عمران خان خان کہیں نہیں جا رہا واللہ عالم بالصواب۔
اپنی دوسری ٹویٹ میں کامران خان نے لکھا کہ شہباز شریف نے پاکستانی قوم کو بھکاری سے تشبیہ دے کے تحریک عدم اعتماد بیانیے کا بیڑا غرق کر دیا ہے۔ اپوزیشن والے مانیں نہ مانیں، عمران خان کی مقبولیت انتہائی تیز رفتاری سے بڑھ رہی ہے۔ آج الیکشن ہو تو عمران خان، نواز، زرداری اور فضل الرحمن اتحاد کے دانت کھٹے کر سکتا ہے۔
https://twitter.com/AajKamranKhan/status/1510235971069042695?s=20&t=0TFxqWywnulYmfCD4JDRwQ
ان کا کہنا تھا کہ عمران خان تیاری کی مکمل ہے۔ آئندہ 24 گھنٹوں میں خفیہ ٹرمپ کارڈ کھیلیں گے۔ تحریک عدم اعتماد حلقوں میں کھلبلی مچے گی، ضرور مچے گی۔ امن سکون ہوتا قوم سکھ کا سانس لیتی۔
انہوں نے کہا کہ اگر سابق صدر آصف زرداری، سابق وزیراعظم نواز شریف اور پی ڈی ایم کے سربراہ فضل الرحمن کا اتحاد عمران خان کی فوری الیکشن واقتدار نگران حکومت حوالے کرنے کی پیشکش قبول کر لیتا تو اچھا ہوتا، اب بھگتیں۔
https://twitter.com/AajKamranKhan/status/1510170392639545345?s=20&t=0TFxqWywnulYmfCD4JDRwQ
ایک اور ٹویٹ میں انہوں نے مسلم لیگ کے صدر کے حالیہ بیان پر انھیں شدید تنقید کا نشانہ بنایا اور کہا کہ شہباز شریف صاحب رحم کریں۔ آپ شاید چند روز میں وزیراعظم پاکستان ہو جائیں۔ پاکستان اور پاکستانیوں کو بھکاری قرار دے کر اپنے دور کی ابتدا نہ کریں۔ عمران خان کے قومی غیرت و حمیت کے جاری بیانیہ کے وقت شہباز شریف کا امریکہ کے حوالے سے پاکستان کو بھکاری قرار دے کر فاش غلطی کی۔
https://twitter.com/AajKamranKhan/status/1510155545063346181?s=20&t=0TFxqWywnulYmfCD4JDRwQ
