سنی لیونی نے یہ دلچسپ ویڈیو اپنے انسٹاگرام پیج پر شیئر کی اور اس کیساتھ کیپشن میں لکھا کہ ‘میں نے جب انتہائی نامناسب انداز میں اپنے سب سے پیارے مداح سے ملاقات کی’۔
انہوں نے ایک معصوم خاتون مداح سے ہونے والی ملاقات کا احوال بتاتے ہوئے کہا کہ ایک مرتبہ دفعہ ایک خاتون بچی کو گود میں اٹھا کر میرے پاس لے آئی اور کہا کہ فوٹو لے لو، یہ بچی آپ کی بڑی فین ہے۔
View this post on Instagram
اداکارہ سنی لیونی کا کہنا تھا کہ میں خاتون کی بات سن کر حیران اور پریشان رہ گئی کہ یہ اتنی چھوٹی سی بچی میری فین کیسے ہو سکتی ہے؟ کیا یہ مجھے جانتی ہے کہ میں کون ہوں ؟ میں اس ننھی فین کو سمجھایا کہ بیٹا آپ ''کیپٹن امریکا دیکھو، ''ناٹی امریکا نہیں'' ۔
خیال رہے کہ سنی لیونی نے گزشتہ دنوں ''ون مائک سٹینڈ پروگرام'' کے نئے سیزن میں شرکت کی تھی جہاں انہوں نے اپنے ساتھ پیش آنے والا یہ یادگار واقعہ وہاں موجود حاضرین کیساتھ شیئر کیا۔ ان کا یہ واقعہ سن کر سب ہنسی سے لوٹ پوٹ ہو گئے۔
یہ بھی پڑھیں: سنی لیونی نے اپنے ماضی کے پروفیشنل کام پر شرمندگی کا اظہار کر دیا
خیال رہے کہ کچھ عرصہ قبل سنی لیونی نے اپنے سابق پروفیشنل کام پر شرمندگی کا اظہار کیا تھا۔ اس بات کا اظہار انہوں نے او ٹی ٹی پلیٹ فارم کے لیے بنائے جانے والے کامیڈی شو کے ایک ٹریلر کے دوران کیا تھا۔
اس ٹریلر میں انہیں یہ کہتے ہوئے سنا جا سکتا ہے کہ میں سنی لیونی ہوں اور آپ مجھے میرے ماضی کے کام سے جانتے ہیں۔ ساتھ میں انہوں نے یہ بھی کہا کہ انہیں اپنے ماضی کے اس کام پر شرمندگی بھی ہے۔
اپنی بات کو جاری رکھتے ہوئے انہوں نے بالی ووڈ فلم ’مستی زادے‘ کا نام لیا، جسے سن کر حاضرین ہنس پڑے جبکہ ان میں بیٹھے سنی لیونی کے شوہر بھی چہرے پر ہاتھ رکھ کر ہسنتے رہے۔
یہ بھی پڑھیں: سنی لیون نے پہلی مرتبہ پورن فلم دیکھنے کے بعد خوفزدہ ہو کر کیا کام کیا تھا؟
خیال رہے کہ بالی ووڈ اداکارہ سنی لیونی نے اپنے کیریئرکی شروعات بطور پورن سٹار کی تھی۔ اس کیریئرمیں انہیں کافی شہرت ملی۔ سنی لیونی ٹاپ کی پورن سٹار بن گئی تھیں، لیکن کیا آپ جانتے ہیں کہ جب انہوں نے خود پہلی مرتبہ بلیو فلم دیکھی تھی تو ان پر کیا اثر پڑا تھا۔
سنی لیونی کی ویب سیریز کرن جیت: دی انٹولڈ اسٹوری میں اس قصے کا انکشاف کیا گیا تھا کہ جب انہوں نے پہلی بار پورن دیکھی تو وہ بری طرح ڈر گئی تھیں۔
ویب سیریزکے مطابق سنی لیونی نے پہلی بلوفلم اپنے بھائی اورایک دوست کے ساتھ غلطی سے دیکھ لی تھی۔ پورن دیکھنے کے بعد سنی کو بہت زیادہ افسوس ہوا تھا۔
پورن فلمیں دیکھنے کے بعدجب سنی لیونی کو غلطی کا احساس ہوا تووہ گرونانک دیو کی تصویرکے سامنے کھڑی ہوئیں اوراپنی غلطی کے لئے معافی مانگی۔
سنی لیونی کی زندگی اوران کے اس طرح تجربے سب سے پوشیدہ تھے، لیکن سنی لیونی کی ویب سیریزنے ان کی زندگی سے متعلق کئی کہانیاں سب کے سامنے رکھیں۔ انہیں میں سے ایک قصہ ہے کہ سنی لیونی کے بھائی پوسٹرس پرسنی لیونی کے آٹوگراف کراکرکالج میں بیچا کرتے تھے۔
یاد رہے کہ سنی لیون کا اصلی نام کیرن ملہوترا ہے جنھیں امریکہ کی پورن انڈسٹری میں انتہائی شہرت ملی تھی۔
لیکن سنہ 2013 میں پورن فلموں سے ریٹائرمنٹ لینے کے بعد بالی وڈ میں کام کرنے کے بارے میں ان کے اعلان سے پہلے ہی انھوں نے بھارت کے مرکزی دھارے میں فنکار کے طور پر کام کرنا شروع کر دیا تھا۔
سنہ 2011 میں وہ بھارتی شو ’بگ باس‘ میں دکھائی دیں جس کے بعد انھیں بالی وڈ کے مرکزی دھارے میں شہرت حاصل کرنے کا موقع ملا تھا۔